منتديات داماس


Moved to new forum, Click Here to register

سيدى الرئيس

لست أدرى عما إذا كان هذا هو المكان المناسب لهذه الخاطرة




سيدي الرئيس
في عيد ميلادك الكام وسبعين
كل سنة وانت طيب
واحنا مش طيبين
كل سنة وانت حاكم
واحنا محكومين
واحنا مظلومين
واحنا متهانيين
ويا تري يا حبيب الملايين
فاكرنا وللا احنا خلاص منسيين
فاكر المعتقلين
فاكر الجيعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - ها تفتكر مين وللا مين
في عيد ميلادك الكام وسبعين
بقول لك كلمتين
الأولى
شيلتنا طين
و هل تعلم أن النيل بقي رشاح
و الجو أصبح بيئة والعيشة ولعة
و الشرفاء قلوبهم عالبلد والعة
و انت عاملهم مذبحة ولا بتاعة القلعة
و الإقتصاد سداح
و السرقة بقت كفاح
و مصر متاحة بس للسياح
و عرض البلد بقي مستباح
و الثانية
وريتنا الويل
دا الخطوة في عهدك بقت ميل
و الضحك بقي نواح و عويل
و الكوسة
عارف الكوسة
ممكن أقول لك فيها مواويل
و الجامعة بقت يا إما كباريه أو دار مسنين
و الشباب معظمهم من غير خمرة سكرانين
و العلم عز علي المتعلمين
و الأساتذة بقم دجالين
و القادة بقم طبالين
و اديني في الهايف يا حبيب الملايين
و الثالثة
عارف اليابانيين
زمان في سنة اتنين و خمسين
كان عندنا تروماي و كان عندنا علم و متعلمين
و ثقافة و مثقفين
و أدباء و علماء و فنانين
و كانوا اليابانيين
بالنووي لسه مضروبين
و للصدقة مستحقين
دلوقتي إحنا فين و هما فين
هما فوق و احنا في أسفل سافلين
و الرابعة
أمن بلدنا بقي تنين
و المحاكم اتملت مظالم
و العدالة بقت كمالة
و كلمة الحق في الزبالة
و أصحابها في الزنازين
و الخامسة
القطاع العام....عام
و الفساد.....ساد
وفي جتة بلدنا بيرعي
أفتكر لجنابك إيه و للا إيه
و كل ذكري ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية و سبعين
بس ها كفيهم ورق منين
و كل سنة و انت ............

و احنا طيبين

منقول




المواضيع المشابهه

إرشاد الساري لشرح صحيح البخاري وبهامشه صحيح مسلم بشرح النووي 10 مجلد تحميل مباشر

سيدى الرئيس

سيدي الرئيس !!!!!!!

نسخ ملفات سيدي ويندوز من الهارد بعد تعديله و كيف استطيع حرق الملفات على سيدي بوتابل ؟

بعد تردد كبير --- سيدي اللايف الخاص بي ( فيدورا لايف سيدي )


سيادة الرئيس حبيبي عامل فيها
ودن من طين و التانية من عجين
تفتكر سامعنا .....
مر من هنا عضو الغلابة في داماس شاكرا


لعله أن يصله صدى صرخاتنا أخى الحبيب وشكرا لمرورك الكريم
مررت أهلا وحللت سهلا لا حرمت نسيم مرورك


حتى لو وصله همس الصراخ

سنظل مقهورين

ولن تنفعنا ودنه اللى طين أو اللى من عجين

ربنا يكملها بالخير على الناس الطيبين

وما يحرمنا من دعاء الوالدين

ويبعد عنا شر السريين

اللى وبدون لازمة تلقى نفسك بين سقف وجدرين

فى مكان قريب من العالمين

تحيه خاصة لنقلك الحزين

على شعب ذاق الأمرين

وكفاية أصل مفيش أكتر من بدرومين


كل سنه والريس بخير
ومعمر للتسعين
و مضيعنا و سايبنا جعانين
وفي بلدنا متهانين
كتر خيره راعي المساكين
علي راي محمد
ودن من طين و ودن من عجين
ومعلمي قال
مافيش الا بدرومين
هايكفوا مين ولا مين
داخلين كلنا اجمعين



جزاك الله خيرا يااخي


أصدقائى الأحباء برغم كل شيئ لا زال الأمل فى الله باقيا وكتب التاريخ ملأى بقصص الحكام الطغاة أمثال ستالين ونيرون ولينين وهتلر وكلهم الآن تحت التراب وهذا مصير الجميع أتمنى أن تحلموا معى بيوم الحرية ويوم الكرامة ويوم الوحدة العربية ويوم نصر الأمة على كل أعدائها فلابد لكل بداية من نهاية ولكل طاغية نهاية وغدا نعيش نهضة وحرية ونصرا وحينئذ أذكركم بأن كل شيئ يموت و أن الله حى لا يموت

كل باك فسيبكى وكل ناع فسينعى
كل مذخور سيفنى كل مذكور سينسى
ليس غير الله يبقى من علا فالله أعلى

ودمتم بود أخوكم الفقير إلى الله زكريا الناهى


مٍـشُـگوٍرٍيًـنٍـ وٍمٍـآ تِـَقٍِـصِـرٍوٍنٍـ وٍتِـشُـگرٍوٍنٍـ عُـآلمٍـوٍضَـوٍعُـ آلرٍآئعُـ


جزاك الله خيرا يا أخى ولقد سررت بمرورك
تحياتى لك


السلام على من اتبع الهدى
أما بعد 00000

إعلم سيدى أن الموت نهاية كل المخلوقين وأن الكل مسئول فماذا أعددت ليوم السؤال
إعلم أن كل فساد بالبلاد وإن لم تكن أنت فاعله فعار عليك أن يحدث وأنت رئيس البلاد
إعلم أن كل ظلم يقع على طبقات الشعب البسيطة وغيرها أنت مسؤول عنه
إعلم أن التاريخ ينقل بوضوح كل ما يحدث وتبقى ذكرى إما محمودة أو ملعونة
إعلم أن بالبلاد من يرغب فى التغيير إلى الأفضل و إلى التقدم بها إلى الأمام فإما أن تثبت
برائتك أو تحاول التكفير عن أخطاء الماضى فتمد يد العون لمن يرغب الإصلاح بصدق
أو تترك كل شيئ كما هو فتعرف أنت ويعرف الناس والتاريخ بأنك صانع هذه السقطة
وسيشهد التاريخ ويشهد كل مصرى بأن أسوأ فترة حكم فى مصر كانت فى عهدك

اللهم هل بلغت اللهم فاشهد
همسة عربية


شكرا يا عزيزتى على مرورك الأكثر من رائع وعلى كلماتك المؤثرة
ولكم أتمنى أن يتحمس جميع المصريين لكلماتك
تقبلى تحياتى

أخوكى الفقير إلى الله زكريا الناهى
أدوات الموضوع

الانتقال السريع

DamasGate Engineering Community