منتديات داماس


Moved to new forum, Click Here to register

التخلف عن آداء الخدمه العسكريه بسبب السفر

أنا أكبر إخواتي و حاليا مقيم خارج مصر، أخدت تأجيل مؤقت من الخدمه العسكريه بسبب إني عائل الأسره و والدي متوفي، التأجيل أخدته لحد ما أخويا يبقي ٢١ سنه.

بسبب سفري و إنشغالي مخدتش بالي إن أخويا بقي عنده ٢١ و بالتالي مقدمتش ورقي للجيش مع العلم إن أخويا لسه بيدرس يعني كنت هاخد تأجيل تاني (أخويا أتم ٢١ سنه من ٤ شهور تقريبا).

أنا هيبقي عندي ٣٠ سنه بعد سنه تقريبا و سمعت كلام كتير عن تغيير القوانين بتاعة المتخلفين عن التجنيد بما فيها إن بقي فيها حبس لمدة لا تقل عن سنه.

أنا عندي ٣ أسئله دلوقتي:

١) هل أنا ممكن أقدم دلوقتي مباشره عشان آخد تأجيل تاني بما أن أخويا لسه بيدرس، و لا كان لازم أقدم فقط خلال مدة ٣٠ يوم من بلوغ أخويا سن ٢١ سنه ؟

٢) هل فعلا الحبس بقي جزء من العقوبه للمتخلف اللي بيسلم نفسه بعد بلوغ ٣٠ سنه ؟ و لا فقط الغرامه الماديه ؟ أنا بسأل من ناحية هل القانون أساسا بيسمح للقاضي إنه يحبس المتخلف و كمان من ناحية إذا كان القاضي بيعمل كده فعلا ؟

٣) أنا سمعت إن القاضي لازم تقوله سبب مناسب لتخلفك عن التجنيد، هل فكرة إني متزوجك و عندي أولاد و بعمل خارج مصر يعتبر سبب مناسب ؟

المواضيع المشابهه

هل هذا يعفينى من الخدمه العسكريه؟

قمت بالتقديم فى الخدمه العسكريه وترك الخدمه بعد ماوقع الكشف الطبى عليا وسنى الان 31 سنه

هل قانون الخدمه العسكريه تم مده الى سن 31 فهل هذا صحيح ؟

استفسار هام بخصوص الخدمه العسكريه


السلام عليكم

نعم يمكنك الحصول على التأجيل ما دام أن أخوك ما زال دارسا
حتى الان مع أنك لم تقدم طلبك هند وصوله سن 21 سنة ..
فلا توجد مشكلة لأن سبب الاعفاء ما زال قائما ... ولكن لا تتأخر ..

والغرامة فقط بدون حبس للمتخلف عن التجنيد ...

نعم وجودك خارج البلاد سبب مناسب للتخلف ......


و عليكم السلام و رحمة الله،

شكرا جزيلا علي ردك السريع أستاذ السيد الجمل.

سؤالين زياده رجاء:

١) أنا جاي دلوقتي ببص علي شهادة ميلاد أخويا و بحسب لقيت إنه كمل ٢١ سنه من سنه و شهرين مش من ٤ شهور! أنا تقريبا كنت حسبت سنه غلط قبل كده، هل ده هيفرق و لا لسه أقدر أقدم عشان آخد تأجيل ؟

٢) هل لازم أنا اللي أقدم شخصيا و لا ممكن حد معاه توكيل عام مني يقدم بدالي، سواء والدتي أو حتي محامي ؟

و شكرا مره أخري علي سعة صدرك علي سعة صدرك و إجاباتك.


ما دام أنه يدرس فلك التأجيل
لنفس السبب لأن سبب الاعفاء
ما زال قائما ....

ويمكن لأحد أن يقدم بدلا منك
ما دام أن التوكيل سيأتى من الخارج
وخاص بإجراءات الاعفاء والموقف
التجنيدى .....
أدوات الموضوع

الانتقال السريع

DamasGate Engineering Community