منتديات داماس


Moved to new forum, Click Here to register

تجربة فعلية لمحاكمة متخلف عن التجنيد بعد الكشف الطبي و سماع الارجاء

السلام عليكم
بفضل الله خلصت اجراءات التخلف عن التجنيد و تمت محاكمتي من 3 ايام وحبيت اشارك اخواننا عشان تعم الفايدة
اولا انا متخلف عن التجنيد بعد ما قدمت ورقي ف التجنيد بتاريخ 3\2013 و كنت ساعتها طالب ف الكلية سنة تالتة وتم فصلي عشان تميت ال 28 كشفت طبي و اخدت لايق و كنت متعشم اني اخد تاجيل في الارجا عشان انا دفعة قديمة لكن كله كان لابس ومفيش ارجا من اساسه استخرت ربنا و مروحتش بعد كده لسماع السلاح او الترحيل (ولو روحت يوم سماع السلاح ساعتها حتبقي هارب مش متخلف وموقفك مش حينتهي عند ال30 ) .. تميت ال 30 من شهر وكنت بصراحة متردد اروح المنطقة عسكرية خوفا من اني اكون هارب مش متخلف خصوصا بعد التعديلات ف القوانين العسكرية الاخيرة بس الحمد لله سالت اكنر من واحد وكله طمني انها تخلف مش هروب ورحت وسالت ف مكتب التخلف قالي لازم تروح لصول الترحيلات الاول وتساله عن الملف بتاعك وبعد كده تعمل اجراءات الغاء سلاح ودي اصعب خطوة ف المشوار كله بالنسبة للناس ال قدمت ورقها وكشفت طبي لان الملف مكانش موجود ف المنطقة العسكرية ولازم تستني يجيي من مصر الاول وانت ونصيبك ممكن بعد شهر وممكن بعد اتنين وممكن اكتر انا الحمد لله ملفي جيه بعد شهرين و كام يوم وبدات ف الاجراءات واخدت ميعاد محاكمة وروحت يوم المحاكمة لقيت اسمي منزلش ف الكشف وطلع اني اتاجلت للمحاكمة الجاية عشان الورق لسه مجاش من المنطقة ع المحكمة و روحت اليوم التاني و لقيت اسمي نزل ودخلت المحكمة الساعة 10 و بدات المحاكمات الساعة 11:00 وكنا 13 واحد بس كلنا خدنا غرامات ومفيش حبس خالص والحبس اصلا مش بيطبق علي اي حد الا اذا كان هارب و عامل مصيبة ف الجيش غير كده ان شاء الله مفيش حبس ولا حاجة الغرامات بس هي العقوبة و ف اسوأ الاحوال بتبقي الغرامة عالية مش اكتر من كده ..القاضي بيسألك اتخلفت ليه وبتشتغل ايه وعلي اساس وظيفتك بيحدد الغرامة ونصيحة بلاش تكدب عشان ميدفعكش غرامة عالية ..انا و 4 انفار كنا جايبين محامين والباقي كانوا جايين من غيرمحامين احنا ال 4 خدنا اعلي غرامات والباقي خدوا اقل غرامات والغرامات كانت 3000 لفرد واحد بس و الباقي 3400 وال 4 ال جابوا محامين اخدنا 3500 و 3600 و 3600 و اعلي غرامة كانت من نصيبي 3700 جنيه .. الحكم بيبقي بعد حوالي ساعة من انتهاء الجلسة بينادي علي واحد واحد ويقولك غرامتك كام وبعد كده تطلع علي النيابة العسكرية يدفع غرامتك ف نفس اليوم او ف يوم تاني وبتاخد وصل بالدفع و بعد كده بتروح بعدها ب 10 ايام للنيابة العسكرية تاخد تصديق ع الحكم وتروح ع المنطقة العسكرية تكمل اجراءاتك عشان تاخد الشهادة بتاعتك انا لحد دلوقتي لسه مروحتش النيابة عشان اخدج تصديق الحكم ولما اروح حبقي اكمل كتابة الاجراءات ان شاء الله واي استفسار انا موجود ان شاء الله تجربة فعلية لمحاكمة متخلف التجنيد الكشف الطبي الارجاء

المواضيع المشابهه

الكشف الطبى و مرضى النفسى فى التجنيد

تجربة فعلية لانهاء اجراءات تخلف التجنيد (فوق 30 عام)-منطقة الاسكندرية

ما هو الموقف من التجنيد لشخص تقدم الى الجيش باوراقه و عند سماع الارجاء تم تجنيده


ألف ألف مبروك يا غالى
وشكرا لمشاركتنا تجربتك ...


ألف ألف مبروك يا غالى
وشكرا لمشاركتنا تجربتك ...
الله يبارك فيك يا استاذ جمال


الف الف الف مليون مبروك, الحمد علي كل شيء ومش مهم الغرامة المهم الموضوع خلص.
انا عندي استفسار انا استلمت الشهادة وخلصت كل حاجة بس اول مرة اسمع عن تصديق الحكم في النيابة!!! ايه الغرض من التصديق يعني هينفعني بأيه !!! انا عملت جواز سفر جديد بالشهادة التجنيد ومسألنيش علي التصديق وبعدين سافرت بره وبردو محدش سألني علي التصديق!!
ياريت تفيدونا عشان منقعش في مشاكل بغني عنها.

ومبروك مرة تانية.


هوا الموقع هنا مفيهوش مسح مشاركة؟؟؟؟ خلاص لا داعي للرد فهمت قصدك, انا حسبتها تصديق الشهادة بس انت تصديق الحكم.
تمام تمام اعذرونا علي سوء الفهم.


هوا الموقع هنا مفيهوش مسح مشاركة؟؟؟؟ خلاص لا داعي للرد فهمت قصدك, انا حسبتها تصديق الشهادة بس انت تصديق الحكم.
تمام تمام اعذرونا علي سوء الفهم.
الله يبارك فيك يا اخ محمود


شباب انا الحمد لله خلصت بقية الاجراءات روحت النيابة وعملت تصديق ع الحكم وبعدين طلعت ع المنطقة العسكرية تاني يوم ختمت ورقة الحكم وو قفت ف شباك دفع مصاريف الشهادة والمبلغ بيبقي حسب تاريخ الميلاد انا دفعت 22.5 جنيه وبعدين استلمت الورق تاني وقدمته ف شباك المراجعة بعد ما مليت الجزء العلوي من استمارة بيسلمهالك هناك وبتقف بعدها تستني الوصل ال حتستلم بيه الشهادة بعد الساعة 2 الظهر

ملحوظة مهمة يا شباب : انا قريت امبارح علي قناة الفراعين خبر عاجل بيقول "انباء عن تشديد العقوبات العسكرية علي المتخلفين عن التجنيد "ومحدش عارف ايه ال ورا الخبر ده هل هو زيادة غرامات ولا حبس بعد كده ياريت ال يعرف حاجة عن الموضوع ده يقول ف مشاركة جديدة و يفيد الناس ال مستنية سن ال 30 عشان تخلص شهادتها وربنا يوفق الجميع !!


ألف مبروك وتقريباً الحالة بالنسبة ليك شبيه لحالتي إلا حد ما خاصة لما قولت "مروحتش بعد كده لسماع السلاح او الترحيل" وأتمني الإفادة بخصوص هذه الأيام وخاصة نسبة الغرامة


ألف مبروك وتقريباً الحالة بالنسبة ليك شبيه لحالتي إلا حد ما خاصة لما قولت "مروحتش بعد كده لسماع السلاح او الترحيل" وأتمني الإفادة بخصوص هذه الأيام وخاصة نسبة الغرامة
نفس الكلام يا اخ ادفنشر مع اختلاف الغرامة بفرق بسيط ومش مع كل الناس فيه ناس بتاخد غرامة بسيطة (الحد الادني 3000 جنيه) ولا صحة لتغليظ العقوبات علي المتخلفين لحد دلوقتي مسمعتش عن تغييرات جذرية


شكراً لإفادتك أخي الكريم ، وللأهمية بالنسبة لموضوع تمام سن الـ30 هل أقدر أروح أقدم على المحاكمة وأنا مطمئن وإتباع كافة الإجراءات عند تمام السن 30 سنة باليوم "اي 30 عام باليوم بالتمام والكمال " أم الأفضل الإنتظار حتي مرور بضعة أيام أو حتي تخطي ميعاد الفرز اللي هوا كان بتاريخ 12/7/2010 ... وشكراً جزيلاً لنصحكم وإفادتكم
أدوات الموضوع

الانتقال السريع

DamasGate Engineering Community